Florencio Delgado Gurriarán, poeta vitalista avant la lettre

Abstract

A poesía de Florencio Delgado Gurriarán (1903-1987) resulta sorprendente como produción do exilio, na miña opinión, por un trazo fundamental: a teimosa intención celebratoria que resoa con carácter festivo como unha prolongación dos cantos báquicos de sabor local que presiden os seus primeiros poemas de preguerra. O poeta parece establecer así intencionadamente un continuum que dalgún xeito quere negar a ferida temporal e emocional que impón a guerra de 1936. Xesús Alonso Montero (2022:13) salienta esa mesma característica na biografía do escritor: «Nese período de tantos anos, Florencio mantivo sempre ergueita a dignidade e o seu compromiso cos ideais que abrazara de mozo».